Италиянинг «Милан» клуби «Порту» ҳужумчиси Меҳди Тареми хизматларига қизиқиш билдирмоқда.
«Россонери» раҳбарияти Португалия клубидан эҳтимолий келишув ҳақида маълумот сўраган. Record нашри хабарига кўра, «Порту» эронлик футболчи учун 20 миллион евро талаб қилмоқда. "Милан" эса бу нархни жуда юқори деб ҳисобламоқда.
29 ёшли Меҳди Таремининг «Порту» билан шартномаси 2024 йилнинг ёзига қадар мўлжалланган. Жорий мавсумда ҳужумчи барча мусобақаларда 39 та ўйинда майдонга тушиб, 18 та гол ва 16 та голли узатмани амалга оширди. Transfermarkt портали эронлик футболчининг трансфер нархини 17 миллион еврога баҳоламоқда.