Italiyaning «Milan» klubi «Portu» hujumchisi Mehdi Taremi xizmatlariga qiziqish bildirmoqda.

«Rossoneri» rahbariyati Portugaliya klubidan ehtimoliy kelishuv haqida ma’lumot so‘ragan. Record nashri xabariga ko‘ra, «Portu» eronlik futbolchi uchun 20 million yevro talab qilmoqda. "Milan" esa bu narxni juda yuqori deb hisoblamoqda.

29 yoshli Mehdi Taremining «Portu» bilan shartnomasi 2024 yilning yoziga qadar mo‘ljallangan. Joriy mavsumda hujumchi barcha musobaqalarda 39 ta o‘yinda maydonga tushib, 18 ta gol va 16 ta golli uzatmani amalga oshirdi. Transfermarkt portali eronlik futbolchining transfer narxini 17 million yevroga baholamoqda.