"Челси" ҳимоячиси Бранислав Иванович янги мавсумда Лонлон клуби бош мураббийи сифатида Ди Маттеони кўришни хоҳлашини айтиб ўтди.
Эслатиб ўтамиз, италиялик мураббий 2012 йил, март ойидан бошлаб Виллаш-Боашнинг истеъфосидан кейин "Челси"ни бошқариб келмоқда.
- Футболда олдиндан нималар бўлишини айта олмайсан. Лекин охирги икки ой шуни кўрсатдики, Ди Маттео "Челси"ни бошқаришга муносиб. Жамоага у билан ишлаш ёқимли ва биз бу мавсум натижалари қандай якунланишидан қатъий назар, янги мавсумни Ди Маттео қўл остида бошлашни истаймиз. Италияликнинг тактикаси жуда табиий, у қўл остидаги бор имкониятлардан максимал даражада фойдалана олди, - дея Ивановичнинг сўзларини келтиради Sky Sports.
