Франциялик футболчи Франк Рибери Душан Влаховичнинг истиқболлари ҳақида фикр билдирди.

- «Ювентус» Влаҳовичга марказий ҳужумчи сифатида сармоя киритди. «Фиорентина»даги собиқ жамоадошингиз Душанда Левандовскидан қандайдир фарқ борми?

- Албатта, куч ва менталитет. Влахович барча чемпион футболчилар каби меҳнаткаш. Энг муҳими, у ҳеч қачон ютқазишни истамайди ва машғулотларда ҳам ғалаба қозона олмаса жаҳли чиқади.

Мен ҳам агар ўйинда мағлуб бўлсам, жаҳлим чиқади. Бу арзимас нарса эмас, бу ғолиблик руҳи.

- Влахович янги Левандовскига айлана оладими?

- Ҳа, агар у ҳар куни яхшиланиш истагига эътибор қаратиб, худди шу руҳда ишлашда давом этса. Душан ёш, лекин у катта салоҳиятга эга. У ҳар бир ўйинда ғалаба қозонишингиз керак бўлган «Ювентус»нинг босимига кўникиши керак.

- Кимни афзал кўрасиз: Мбаппе, Холанд ёки Влахович?

- Улар ҳар хил ҳужумчилар, айниқса Мбаппе қолган иккисидан фарқ қилади, лекин уларнинг барчаси жуда кучли», - деди "Салернитана" ярим ҳимоячиси Рибери.