Осиё Чемпионлари Лигасининг 1-турида Отабек Шукуров тўп сураётган "Шаржа" клуби Саудия Арабистонининг "Ал-Ҳилол" жамоаси билан беллашди.

Учрашувнинг 5-дақиқасида Солиҳ Ал-Шеҳри пенальтини аниқ амалга ошириб, "Ал-Ҳилол"ни олдинга олиб чиқди. Орадан икки дақиқа ўтгач, Отабек Шукуров мувозанатни тиклади. Бироқ, 62-дақиқада Микаэль томонидан киритилган гол саудияликларнинг ғалабасини таъминлади.

ОЧЛ, гуруҳ босқичи, 1-тур.

"Ал Ҳилол" (С.Арабистони) - "Шаржа" (БАА) 2:1

Голлар: Солиҳ Ал-Шеҳри (5-пен, 1:0), Отабек Шукуров (7, 1:1), Микаэль (62, 2:1).

"Ал Ҳилол": Абдуллоҳ ал-Маюф, Ёссир ал-Шахрони, Жанг Хьюн-Су (Муҳаммад Жаҳфали, 46), Мутеб ал-Муфарриж, Сауд Абдулҳамид, Салмон ал-Фараж, Муҳаммад Канно, Матеус Перейра, Муса Марега, Солиҳ ал-Шеҳри (Абдуллоҳ ал-Ҳамдон, 34), Микаэль.

"Шаржа": Одил ал-Ҳусани, Шаҳин Абдулраҳмон, Салим Султон, Али ал-Дханхани (Ал Ҳассан Солиҳ, 46), Ҳолид Иброҳим, Густаво Алемао, Саиф Рашид (Абдулла Козим, 65), Отабек Шукуров, Муҳаммад Абдулбосит (Мажид Рашид, 46), Луанзиньо, Лукас Кайо.

Огоҳлантириш: Кайо Лукас (81).