“Манчестер Юнайтед” Англия чемпионатининг 30-турида “Эвертон”га сафарда минимал ютқазди. Учрашувдаги ягона гол биринчи бўлимда Энтони Гордон томонидан киритилди.

Бу мағлубият манкунианликлар учун қишда Оле-Гуннар Сульшерни алмаштирган вақтинчалик бош мураббий Ралф Рангник бошқарувидаги бешинчи мағлубият бўлди. Аввалроқ “Манчестер Юнайтед” Чемпионлар лигасида “Атлетико”га, АПЛда “Манчестер Сити” ва “Вулверхэмптон”га, шунингдек, Англия кубогида “Мидлсбро”га ютқазганди.

"Манчестер Юнайтед" ҳозирда 51 очко билан АПЛ турнир жадвалида 7-ўринда бормоқда.