«Интер» ҳужумчиси Алексис Санчес миланликлар сафида қолиши мумкин, дея хабар беради Calciomercato.

Манбага кўра, чилилик футболчи «Интер» бош мураббийи Симоне Индзаги учун асосий ўйинчи ҳисобланади. Шу боисдан клуб раҳбарияти аввалроқ ундан қутулишни режалаштирган бўлса-да, ҳужумчини жамоада олиб қолиш фикрига келган.

Санчеснинг «нерадзуррилар» билан амалдаги шартномаси келаси йилнинг ёзига қадар мўлжалланган. 33 ёшли чилилик учинчи мавсумдирки, «Интер» сафида тўп сурмоқда. Илгари у «Барселона», «Арсенал» ва «Манчестер Юнайтед» клублари шарафини ҳимоя қилган.

Санчес жорий мавсумда барча турнирларда 31 та ўйинда майдонга тушиб, 7 та гол ва 5 та голли узатмани амалга оширди.