«Виляьрреал» ҳужумчиси Жерар Морено «Бавария»га қарши бўлиб ўтган баҳс ҳақидаги фикрлари билан ўртоқлашди.
"Биз бахтлимиз. Биз «Бавария»ни мағлуб эта олишимизни билардик. Жамоамиз ўзига ишонади ва шу туфайли тоғларни силжита олади.
Биринчи ўйинда хатога йўл қўйдик ва рақибга янада босим ўтказа олмадик. Лекин бу бизга туртки бўлди ва бугун биз кейинги босқичга йўлланма берадиган голни урдик.
Биз катта муваффақиятларга эришдик. Биз катта клублар билан курашдик ва ярим финалга катта умид билан йўл оламиз. Биз бунга лойиқмиз.
Кейинги босқичда ким билан ўйнашимиздан қатъий назар, бу жуда қийин бўлади. Аммо бугун биз муваффақиятдан баҳраманд бўламиз”, - деди Морено.
