«Вилярреал» футболчилари «Бавария»га қарши икки баҳсда ҳам дарвоза томон иккита зарба йўллади ва иккиси ҳам гол билан якунланди. 

Биринчи ўйинда Унаи Эмери шогирдлари мюнхенликлар дарвозасига 12 марта зарба беришган бўлса, улардан фақат биттаси нишонга тегди. Жавоб ўйинида «сариқ сув ости кемаси» футболчилари рақиб дарвозасига тўртта зарба йўллаган бўлса, фақат биттаси нишонга аниқ етиб борди.

Бугунги ўйинда «Бавария» ҳужумчиси Роберт Левандовски 52-дақиқада ҳисобни очди. Дани Парехо ўз жарим майдончаси яқинида хатога йўл қўйиб, тўпни йўқотди. «Бавария» тезкор ҳужум уюштирди, якунда Томас Мюллер Левандовскига узатмани амалга оширди ва польшалик футболчи жарима майдончасидан гол уриб ҳисобда олдинга чиқиб олди. 

88-дақиқада Самуэл Чуквезе учрашувда ҳисобни тенглаштирди. Бу зарба испан клубининг бутун ўйин давомида йўллаган биринчи аниқ зарбаси эди.