Бразилия торсидасининг аксарият вакиллари "Барселона" бош мураббийи Хосеп Гвардиола Бразилия миллий терма жамоаси рулига келса жуда хурсанд бўлишар экан.

Эслатиб ўтамиз, жорий мавсум якунлангач, кталаноияликлар бош мураббийи ўз лавозимини бўшатади. Жамоани унинг айни дамдаги ёрдамчиси Тито Виланова бошқаради.

Гвардиоланинг қарори эълон қилингач, Бразилиянинг "Lance" газетаси 2014 йилги жаҳон чемпионатигача каталониялик мутахассис мамлакат терма жамоаси бошқарувига келиши бўйича кампанияни бошлаган. Мухлисларнинг жавоб узоқ куттирмади: уларнинг аксарияти "Барселона" унинг қўл остида кўрсатган ўйин савиясини инобатга олган ҳолда, Гвардиоланинг Бразилия терма жамоаси бош мураббийи этиб тайинланишига жон-жон деб рози бўлишларини билдириб ўтишган.