"Манчестер Юнайтед" скаутлари франциялик ярим ҳимоячи Кристофер Нкункуни ўйинини ўрганиш учун "Лейпциг" - "Аталанта" ўртасидаги Европа лигаси доирасидаги ўйинга ташриф буюришди.
Манкунианликлар 24 ёшли франциялик футболчини ёзги трансфер ойнасида ўз сафига қўшиб олмоқчи. Бош мураббий Ральф Рангник футболчининг "Манчестер Юнайтед"га ўтишини истамоқда. Унга "ПСЖ" ҳам қизиқиш билдирмоқда. Париж клуби Кристофер учун 70 миллион евро тўлашга тайёр.
Ҳужумчининг “Лейпциг” билан амалдаги шартномаси 2024-йилда якунига етади. Нкунку жорий мавсумда “РБ Лейпциг” сафида 39 та ўйинда майдонга тушиб, 26 та гол ва 16 та голли узатмани амалга оширди.
