Шотландия футбол ассоциацияси президенти Ян Максвелл терма жамоанинг 2022 йилги Жаҳон чемпионати плей-офф босқичида Украина терма жамоаси билан бўлажак ўйини ҳақида гапирди.
“Шотландия июнь ойида Украинани ўз уйида кутиб олишдан хурсанд бўлади. Икки терма жамоа ЖЧ-2022 йўлланмаси учун курашни давом эттириш мақсадини кўзлаши аниқ, аммо биз ушбу ўйин атрофидаги умумий контекстни тушунамиз.
Ўйин мартдан июнга кўчирилгани мутлақо тўғри эди, шунинг учун биз Украинани 1 июнь куни “Хемпден Парк” стадионида кутамиз”, — деди Максвелл BBC билан суҳбатда.
