"Атлетико Мадрид"нинг испаниялик ҳимоячиси Марио Эрмосо ёзги трансфер ойнасида туманли Альбионга ўтиши мумкин.
Daily Mail нашри хабарига кўра, 26 ёшли испаниялик футболчи ёзда "Тоттенхэм"га ўтиши мумкин. "Шпорлар" марказий ҳимоя чизиғини кучайтирмоқчи. Эрмосо эса клубнинг талабларига тўлиқ мос келади.
Эслатиб ўтамиз трансфермаркт портали ҳимоячининг нархини 25 миллион еврога баҳоламоқда.
Жорий мавсумда Марио Эрмосо Испания чемпионатида 24 та учрашув ўтказиб, иккита гол ва битта голли узатмани амалга оширди.