Чемпиошип 43-тур учрашувида “Фулхэм” ўз майдонида “Престон Норт Энд”ни қабул қилди.
Лондондаги “Крэйвен Коттерд” стадионида бўлиб ўтган учрашув мезбонларнинг 3:0 ҳисобидаги ғалабаси билан якунланди.
Ўйиннинг 9-дақиқасида “Фулхэм” ҳужумчиси Александр Митрович ҳисобни очди. 34-дақиқада ярим ҳимоячи Фабио Карвалью узоқ масофадан гол уриб, мезбонларнинг устунлигини мустаҳкамлади. 7 дақиқадан сўнг Митрович дубл қайд этди ва учрашувнинг якуний ҳисобини ўрнатди.
"Фулхэм" 2021/2022 йилги чемпионат турнир жадвалида 86 очко билан 1-ўринда бормоқда. Шу тариқа, жорий мавсум якунланишига уч тур қолганида Лондон клуби Премьер-лигага йўл олди. 3-ўриндаги "Хаддерсфилд" билан орадаги фарқ 13 очкони ташкил қилади.
