Chempioship 43-tur uchrashuvida “Fulxem” o‘z maydonida “Preston Nort End”ni qabul qildi.
Londondagi “Kreyven Kotterd” stadionida bo‘lib o‘tgan uchrashuv mezbonlarning 3:0 hisobidagi g‘alabasi bilan yakunlandi.
O‘yinning 9-daqiqasida “Fulxem” hujumchisi Aleksandr Mitrovich hisobni ochdi. 34-daqiqada yarim himoyachi Fabio Karvalyu uzoq masofadan gol urib, mezbonlarning ustunligini mustahkamladi. 7 daqiqadan so‘ng Mitrovich dubl qayd etdi va uchrashuvning yakuniy hisobini o‘rnatdi.
"Fulxem" 2021/2022 yilgi chempionat turnir jadvalida 86 ochko bilan 1-o‘rinda bormoqda. Shu tariqa, joriy mavsum yakunlanishiga uch tur qolganida London klubi Premyer-ligaga yo‘l oldi. 3-o‘rindagi "Xaddersfild" bilan oradagi farq 13 ochkoni tashkil qiladi.
