Франция президенти Эммануэль Макрон «ПСЖ» билан шартномаси ёзда тугайдиган ҳужумчи Килиан Мбаппе ҳақида гапирди.
Марселлик журналист президентдан:
«Марсель» мухлислари «ПСЖ»га Киллиан Мбаппени сақлаб қолишда қандай ёрдам беришлари мумкин?»
Бу саволга Макрон шундай жавоб берди:
«Афсуски, Мбаппе ҳеч қачон «Марсел»га бормайди. Биз Килианни Лига 1да сақлаб қолиш учун қўлимиздан келганини қилишимиз керак», - дея Эммануэлнинг сўзларини келтирган журналист Адриен Гренье.
Эслатиб ўтамиз, Мбаппе «Реал»га ўтиши мумкин. Килианни Парижда сақлаб қолиш учун «ПСЖ» франциялик футболчини жаҳон футболидаги энг кўп маош олувчи футболчига айлантириши мумкин. Аммо футболчи ҳали бир қарорга келгани йўқ.
