Тито Виланова курашни бошлади. Жозе Моуриньони сўз жангида енгмасдан туриб, майдонда устунлик қилиш қийин, деб ҳисоблади шекилли, журналистларнинг провакацион саволларига худди шу жанрда жавоб берди.
"Моуриньо - умуман футбол ҳақида гапирмайдиган мураббийдир" - деб гап бошлади Виланова, - "унинг жамоаларида доим жисмоний бақувват, баланд бўйли футболчилар тўп суради. Таянч ярим ҳимоясида эса олтиталаб ўйинчи жойлашади. Моуриньо шогирдларидан гўзал футбол кутиш керак эмас. Менга ёқмаган томони, у доим ўз шахсияти ҳақида гапиришни хуш кўради, у ташкил этаётган футбол эса парда ортига сурилади. Менимча, унинг ўзи юқори савияда футбол ўйнашни истаган, лекин бу амалга ошмаганлиги учун шундай. "Реал" ҳар доим ажойиб таркибга эга бўлиб келган, ахир улар трансферлар учун биздан икки баробар кўп пул сарфлайдилар. Аммо улар намойиш қиладиган ўйин ҳеч қачон мени ўзига жалб эта олмаган"
