«Ювентус» ярим ҳимоячиси Федерико Бернардески мавсум якунида жамоани тарк этади.
Турин клуби 28 ёшли ярим ҳимоячи билан шартномани узайтирмасликка қарор қилди, деб хабар бермоқда La Pepubblica.
Футболчининг «бянконерлар» билан шартномаси жорий мавсум охиригача амал қилади. Томонлар келишувни узайтириш борасида келиша олмадилар.
Олдинроқ, Бернардески йилига 4 миллион евродан кўпроқ маош олмоқчилиги (бонуслардан ташқари) ҳақида маълумотлар пайдо бўлганди.
2021/22 йилги мавсумда италиялик футболчи «Ювентус» сафида барча турнирлар доирасида 30 та ўйинда майдонга тушиб, 2 та гол ва 6 та голли узатмага муаллифлик қилган.
