Осиё  Чемпионлар лигаси 5-тури доирасидаги «Насаф» — «Ас-Садд» учрашуви олдидан ташкил қилинган матбуот анжуманида «аждарлар» устози Рўзиқул Бердиев иштирок этди.

«Бу гуруҳдаги вазият ноаниқ. Эртага ҳамма ғалаба учун ўйнайди. Чунки барча жамоа олдига қўйилган вазифани ҳали тўлиқ бажармаган. Албатта, бизнинг ҳимоядаги футболчиларимиз яхши ўйнаяпти. Аммо ҳужумимизда муаммо бор. Лекин Олдинги чизиқдаги ҳаракатлар фақат ҳужумчиларга боғлиқ эмас, жамоадаги барча футболчиларга боғлиқ. Эртанги ўйинда ҳам жамоавий футбол намойиш этамиз. Умид қиламанки, биз керакли натижага эриша оламиз», - дея фикр билдиради Бердиев.

Маълумот ўрнида, «Насаф» — «Ас-Садд» эртага Тошкент вақти билан 22:15да бошланади.