Osiyo Chempionlar ligasi 5-turi doirasidagi «Nasaf» — «As-Sadd» uchrashuvi oldidan tashkil qilingan matbuot anjumanida «ajdarlar» ustozi Ro‘ziqul Berdiyev ishtirok etdi.
«Bu guruhdagi vaziyat noaniq. Ertaga hamma g‘alaba uchun o‘ynaydi. Chunki barcha jamoa oldiga qo‘yilgan vazifani hali to‘liq bajarmagan. Albatta, bizning himoyadagi futbolchilarimiz yaxshi o‘ynayapti. Ammo hujumimizda muammo bor. Lekin Oldingi chiziqdagi harakatlar faqat hujumchilarga bog‘liq emas, jamoadagi barcha futbolchilarga bog‘liq. Ertangi o‘yinda ham jamoaviy futbol namoyish etamiz. Umid qilamanki, biz kerakli natijaga erisha olamiz», - deya fikr bildiradi Berdiyev.
Ma’lumot o‘rnida, «Nasaf» — «As-Sadd» ertaga Toshkent vaqti bilan 22:15da boshlanadi.
