Футбол тарихида илк маротаба Жаҳон чемпионати йилнинг охирги ойларида ўтказилади. Қатарда бўлиб ўтадиган Жаҳон чемпионати 21 ноябрдан 18 декабргача бўлиб ўтади. Ўзбекистонлик мухлисларни хурсанд қиладиган нарса шундаки, Ўзбекистон Миллий телерадиокомпанияси ЖЧ трансляцияси ҳуқуқини қўлга киритганини маълум қилди.
"Футбол оламининг энг йирик мусобақаси, Қатар яшил майдонларида бўлиб ўтадиган Жаҳон чемпионати трансляцияси ҳуқуқини ЎзМТРК қўлга киритди!
32 та терма жамоа, 64 та учрашув. Барчасини #СПОРТТВ орқали кузатиб боринг!" - дейилади ЎзМТРКнинг расмий баёнотида.
