"Ювентус" клуби дарвозабони Жанлуижи Буффоннинг сўзларига кўра, у мавсум бошида жамоаси чемпион бўлишини айтганда, "Милан" футболчилари унинг устидан кулган эканлар.
"Мен энди бир сирни очишим мумкин. "Ювентус"нинг янги стадиони тақдимоти ўтказилган кун мен бир неча одамларнинг олдига бориб: "Биз чемпион бўламиз" дедим. Шунингдек, бу гапни терма жамоа йиғинида бўлган пайтимизда "Милан" футболчиларидан бир нечтасига айтган эдим. Шунда улар менинг устимдан кулган эдилар", - дейди Буффон.