Бугун пойтахтимиздаги Wyndham меҳмонхонасида BMB футзал жамоаси трансфер ойнаси вақтида жамоа сафига келиб қўшилган Фернандо Родригез де Соузани оммага таништирди. Тақдимот маросимида клуб раҳбарияти, мураббий ва футзалчилар, футбол жамоатчилиги вакиллари ҳамда ОАВ ходимлари иштирок этди.

Ўзбекистон чемпионатида майдонга тушган дастлабки бразилиялик футзалчи бўлиши кутилаётган де Соуза BMB билан август ойига қадар мўлжалланган шартномага имзо чекди. У янги жамоаси сафида 20-рақамда тўп тепади.

“Менга ишонч билдирган клуб раҳбариятига ўз миннатдорчилигимни билдираман. Футзалчилар учун барча шароитлар яратилганини таъкидлаган бўлардим. BMB – катта потенциалга эга. Мазкур жамоа сафида ўзимнинг энг яхши жиҳатларимни намойиш этишга ҳаракат қиламан”, – деди де Соуза.