Чемпионат турнир жадвалида пешқадамлик қилаётган “Насаф” футболчилари 5 июнь куни ўз майдонида Фарғонанинг “Нефтчи” жамоаси билан куч синашади.
Хабарингиз бор, “Нефтчи” футболчиларининг ОФК кубогида иштироки боис Олий лиганинг 3-туридан ўрин олган “Насаф”- “Нефтчи” учрашуви бошқа муддатга қолдирилганди. Куни кеча Ўзбекистон Профессионал футбол лигаси томонидан ушбу ўйиннинг санасига аниқлик киритилди. Унга кўра айни пайтда водий ва воҳанинг энг кучли жамоалари 5 июнь, сешанба куни Қаршида ўзаро ҳисоб -китоб қилишади.
Шунингдек, Ўзбекистон кубоги 1/8 финал дастлабки учрашувилари санасига ҳам аниқлик киритилди. Биллур соврин учун кечадиган навбатдаги беллашувни “Насаф” футболчилари 24 май куни Қаршида биринчи лига вакили “Гулистон” жамоаси билан куч синашишади.