Португалиялик ҳужумчи Рафаэль Леау "Милан" раҳбариятидан янги меҳнат шартномасини олиши мумкин. Яқин вақт ичида “россонерилар” вакиллари 22 ёшли футболчининг агенти билан учрашишни режалаштирмоқда.

Football-Italia хабарига кўра, Италия клуби Леау билан ҳамкорликни 2026 йилнинг ўрталарига қадар узайтиришга тайёр. Янги шартларга кўра, португалияликнинг маоши 4,5 миллион еврони ташкил қилади. Унинг клуб билан амалдаги шартномаси 2024 йилда якунига етади.

Италия чемпионатининг жорий мавсумида Рафаэль 31 ўйинда майдонга тушиб, ўнта гол ва тўртта голли узатмага муаллифлик қилган.