«Реал» Чемпионлар Лигаси ярим финалида «Манчестер Сити» устидан ғалаба қозониб (3:1), финал йўлланмасини қўлга киритди.

Жамоалар ўртасидаги биринчи ўйинда 4:3 ҳисобида «шаҳарликлар» ғалаба қозонган эди. Иккинчи ўйинда эса қўшимча бўлимларда урилган гол эвазига «Реал» 3:1 ҳисобида ғалаба қозонди.

Мадрид клуби икки ўйинда умумий 178 дақиқа давомида «Манчестер Сити»дан ҳисобда ортда қолди, аммо якунда финал йўлланмасини қўлга киритди. Дастлабки баҳсда «Манчестер Сити» 2-дақиқадаёқ ҳисобни очганди, умумий ҳисоб жавоб ўйинининг 90+1-дақиқасида тенглашди. Карим Бензема томонидан урилган 95-дақиқадаги голга қадар «Реал» бирор марта умумий ҳисобда олдинга ўтиб олмаганди.

"Манчестер Сити" - "Реал" тўқнашуви хронологияси:

2-дақиқа. 1-0
11-дақиқа. 2-0
33-дақиқа. 2-1
53-дақиқа. 3-1
55-дақиқа. 3-2
74-дақиқа. 4-2
82-дақиқа. 4-3
163-дақиқа. 5-3
180-дақиқа. 5-4
180+1-дақиқа. 5-5
185-дақиқа. 5-6

«Қироллик клуби» 28 май куни Чемпионлар Лигаси финалида «Ливерпуль» билан баҳс олиб боради.