«Real» Chempionlar Ligasi yarim finalida «Manchester Siti» ustidan g‘alaba qozonib (3:1), final yo‘llanmasini qo‘lga kiritdi.

Jamoalar o‘rtasidagi birinchi o‘yinda 4:3 hisobida «shaharliklar» g‘alaba qozongan edi. Ikkinchi o‘yinda esa qo‘shimcha bo‘limlarda urilgan gol evaziga «Real» 3:1 hisobida g‘alaba qozondi.

Madrid klubi ikki o‘yinda umumiy 178 daqiqa davomida «Manchester Siti»dan hisobda ortda qoldi, ammo yakunda final yo‘llanmasini qo‘lga kiritdi. Dastlabki bahsda «Manchester Siti» 2-daqiqadayoq hisobni ochgandi, umumiy hisob javob o‘yinining 90+1-daqiqasida tenglashdi. Karim Benzema tomonidan urilgan 95-daqiqadagi golga qadar «Real» biror marta umumiy hisobda oldinga o‘tib olmagandi.

"Manchester Siti" - "Real" to‘qnashuvi xronologiyasi:

2-daqiqa. 1-0
11-daqiqa. 2-0
33-daqiqa. 2-1
53-daqiqa. 3-1
55-daqiqa. 3-2
74-daqiqa. 4-2
82-daqiqa. 4-3
163-daqiqa. 5-3
180-daqiqa. 5-4
180+1-daqiqa. 5-5
185-daqiqa. 5-6

«Qirollik klubi» 28 may kuni Chempionlar Ligasi finalida «Liverpul» bilan bahs olib boradi.