"Реймс" ҳужумчиси Уго Экитике ёзда "Интер"га ўтиши мумкин. Calcio Mercato хабарларига кўра, франциялик ҳужумчи навбатдаги трансфер ойнаси олдидан "нерадзуррилар"нинг сафига ўтиши мумкин.
Лаутаро Мартинеснинг кетиши мумкинлиги ҳақидаги миш-мишларни инобатга олган ҳолда, "Интер" янги ҳужумчи сотиб олиш ҳақида ўйлаши мумкин. Маъқул вариантлардан бири бу фақат Экитике ҳисобланиб, у жорий мавсумда Франция чемпионатида 9 та гол урди.
Эслатиб ўтамиз, қишда 19 ёшли Экитике Англиянинг "Ньюкасл" клубига ўтишга яқин қолганди. Футболчи трансферни якунлаш учун Буюк Британияга учиб кетишга тайёр эди, бироқ сўнгги лаҳзада келишув барбод бўлди.
