Лондоннинг "Челси" клуби эртага Англия чемпионати доирасидаги «Вулверхэмптон»га қарши ўйин олдидан йўқотишларга учради. Икки ярим ҳимоячи - Нголо Канте ва Жоржиньо жароҳати туфайли ўйинни ўтказиб юборади. Бу ҳақда жамоа бош мураббийи Томас Тухель матбуот анжуманида маълум қилди.

Қайд этилишича, Жоржиньо ва Кантедан ташқари, жиддий жароҳат туфайли мавсумнинг қолган қисмида майдонга туша олмайдиган Каллум Хадсон-Одои ва Бен Чилуэлл ҳам ўтказиб юборади.

"Челси" ҳозирда Премьер-лигада икки ўйиндан бери ғалаба қозона олмаяпти. Аввалига Тухель шогирдлари “Манчестер Юнайтед” билан дуранг ўйнаган бўлса, кейин курашаётган “Эвертон”га сафарда мағлуб бўлди.