"Ливерпуль" бош мураббийи Юрген Клопп Чемпионлар лигаси ярим финалида "Манчестер Сити"нинг мағлубиятига муносабат билдирди. Хосеп Гвардиола шогирдлари «Реал»га қарши ўйинда икки баҳс натижасига кўра, имкониятни бой берди (4:3, 1:3).
“Бу катта зарба. Менимча, кўпчилик телевизорни ўчириб қўйди. Бу "Сити" учун жуда унутилмас баҳс. Менда ҳам шундай ўйинлар бўлган, буни унутиш қийин", - дея фикр билдиради немис мураббийи.
“Сантьяго Бернабеу”даги жавоб ўйинида Гвардиола шогирдлари 90-дақиқагача ҳисобда олдинда бўлган бўлса-да, кейин кетма-кет иккита гол ўтказиб юборди. Ўйин қўшимча вақтга узайтирилди ва Карим Бензема пенальтидан гол уриб, "Реал Мадрид"га ғалабани тақдим этди.
