"Liverpul" bosh murabbiyi Yurgen Klopp Chempionlar ligasi yarim finalida "Manchester Siti"ning mag‘lubiyatiga munosabat bildirdi. Xosep Gvardiola shogirdlari «Real»ga qarshi o‘yinda ikki bahs natijasiga ko‘ra, imkoniyatni boy berdi (4:3, 1:3).
“Bu katta zarba. Menimcha, ko‘pchilik televizorni o‘chirib qo‘ydi. Bu "Siti" uchun juda unutilmas bahs. Menda ham shunday o‘yinlar bo‘lgan, buni unutish qiyin", - deya fikr bildiradi nemis murabbiyi.
“Santyago Bernabeu”dagi javob o‘yinida Gvardiola shogirdlari 90-daqiqagacha hisobda oldinda bo‘lgan bo‘lsa-da, keyin ketma-ket ikkita gol o‘tkazib yubordi. O‘yin qo‘shimcha vaqtga uzaytirildi va Karim Benzema penaltidan gol urib, "Real Madrid"ga g‘alabani taqdim etdi.
