"Реал Мадрид" келаси ҳафтада "ПСЖ" ҳужумчиси Килиан Мбаппе вакиллари билан янги учрашув ўтказади. Француз клуби 23 ёшли футболчи учун шартнома таклифини яхшилаган. Бу ҳақда журналист Фабрицио Романо хабар берди.
Манбанинг хабарига кўра, 23 ёшли ҳужумчи келажаги борасида ҳали бир қарорга келмаган.
Эслатиб ўтамиз, Мбаппе 2017 йилдан бери француз клубида тўп тепади. Ҳужумчи жорий мавсумда барча турнирларда 43 та ўйинда майдонга тушиб, 35 та гол урди ва 23 та голли узатмани амалга оширди.