Спорт тадқиқотлари халқаро маркази (CIES) футболчилари хориж чемпионатларида ўйнаётган мамлакатлар рейтингини тузиб чиқди. Рейтинг тузишда 80та мамлакат футбол ассоциациялари ва 135та футбол лигалари таҳлил қилинди.

Бу борада Бразилия яққол етакчига айланди. Бразилиянинг нақ 1219 нафар ўйинчилари хориж лигаларида тўп тепиши аниқланди. Иккинчи поғонани Франция эгаллаган бўлса (978), Аргентина кучли учликка кирди (815).

Кейинги поғоналарни эса Англия (525), Германия (441), Колумбия (425), Испания (409) ва Хорватия (400) эгаллади.

Ўзбекистон эса мазкур рейтингда 79-поғонани эгаллади. Марказ 25 нафар ўзбекистонлик футболчи хориж чемпионатларида ўйнаётганини аниқлаган.

Футболчилари хориж клубида ўйнаётган мамлакатлари рейтинги (топ-10):

1. Бразилия – 1219 футболчи.
2. Франция – 978.
3. Аргентина – 815.
4. Англия – 525.
5. Германия – 441.
6. Колумбия – 425.
7. Испания – 409.
8. Хорватия – 400.
9. Сербия – 379.
10. Нидерландия – 367.
...
20. Украина – 186.
25. Россия – 157.
61. Беларусь - 51.
65. Молдова - 65.
72. Литва - 31.
79. Ўзбекистон - 25.