“Манчестер Юнайтед” юлдузи Криштиану Роналдунинг синглиси Катя Авейруга португалиялик футболчининг мухлислар жамоасидаги пости ёқди. Нашрда муаллиф КриРони клубини ўзгартиришга ундаган.
«Роналду ҳозир ўзи ҳақида ўйлаши керак. "Манчестер Юнайтед" яна минг йил мавжуд бўлади, Криштиануда эса 3-4 йиллик фаолияти қолди. Кўп унвонларни ютиш учун энг яхши жамоани топиш вақти келди" - деб ёзилади нашрда. Роналдунинг синглиси мана шу постга "лайк" босди.
37 ёшли португалияликнинг «Манчестер Юнайтед» билан амалдаги шартномаси 2023 йилнинг ёзида якунига етади.
