Англия чемпионатининг 38-турида "Мансечтер Сити"га қарши кечган ўйин (2:3) да майдондан четлатилган "Куин Парк Рейнжерс" яримҳимоячиси Жоуи Бартон тўққиз ўйинлик дисквалификацияга дучор бўлиши мумкин.
Бартон Карлос Тевезни тирсаги билан ургани учун майдондан четлатилган эди. Бироқ, одатда бундай ҳолатларда уч ўйинлик дисквалификация жорий қиладиган FA бу сафар бошқачароқ қарор чиқариши кутилмоқда.
Қизил карточка олгач, "КПР" ҳавбеки Серхио Агуэрони итариб юборган, Венсан Компани уришга ҳаракат қилган, шундан кейин майдонни тарк этиш асносида Марио Балотелли билан даҳанаки жанг ҳам ўтказишга улгурган.
Шундай қилиб, Бартоннинг диквалификациялари йиғилиб, тўққиз ўйинни ташкил этиши мумкин, деб хабар қилади Goal.com.













