"Манчестер Сити" бош мураббийи Пеп Гвардиола "Брайтон"га қарши баҳсда марказий ҳимояда ҳаракат қилган Аллейн ва Ҳусановнинг ўйинига баҳо берди.

«Улар ажойиб ўйин кўрсатишди! Ҳусанов – жуда ажойиб футболчи. У орқага узатиладиган узун тўплар пайтида бизга катта ёрдам берди, бутун қанот кенглигини назорат қила олади! Жуда тезкор… У ҳали ўсиб боради, унга янада жасоратли бўлиш ва ўйин жараёнига, комбинацияларга кўпроқ қўшилиш керак, аммо бу вақт масаласи. Ҳимояда эса — юқори даража!

Макс кеча, ундан олдинги куни биринчи машғулотига келди… Албатта, у аввал ҳам, бир-икки йил олдин, биз жисмоний тайёр эмас пайтимизда кўп бор машғулотларда қатнашган.

Мен Пеццолано ва Хави Грасияга миннатдорчилик билдириб, раҳмат айтмоқчиман, чунки улар уни футболчи сифатида ўсишига жуда катта ёрдам берганига ишонаман…

У ўтиш фазаларида тезкор, тўп билан эса ҳақиқатан ҳам жуда-жуда ажойиб. Бир марта тўпни йўқотди, қолган барчаси эса юқори даражада эди! Ростдан ҳам жуда юқори! Афсуски, биз унинг Премьер-лигадаги илк дебютида ғалабани тақдим эта олмадик. Аммо келажакда у бундай дебютларни яна кўп маротаба ўтказади», — деди Гвардиола.