"Manchester Siti" bosh murabbiyi Pep Gvardiola "Brayton"ga qarshi bahsda markaziy himoyada harakat qilgan Alleyn va Husanovning o‘yiniga baho berdi.

«Ular ajoyib o‘yin ko‘rsatishdi! Husanov – juda ajoyib futbolchi. U orqaga uzatiladigan uzun to‘plar paytida bizga katta yordam berdi, butun qanot kengligini nazorat qila oladi! Juda tezkor… U hali o‘sib boradi, unga yanada jasoratli bo‘lish va o‘yin jarayoniga, kombinasiyalarga ko‘proq qo‘shilish kerak, ammo bu vaqt masalasi. Himoyada esa — yuqori daraja!

Maks kecha, undan oldingi kuni birinchi mashg‘ulotiga keldi… Albatta, u avval ham, bir-ikki yil oldin, biz jismoniy tayyor emas paytimizda ko‘p bor mashg‘ulotlarda qatnashgan.

Men Pessolano va Xavi Grasiyaga minnatdorchilik bildirib, rahmat aytmoqchiman, chunki ular uni futbolchi sifatida o‘sishiga juda katta yordam berganiga ishonaman…

U o‘tish fazalarida tezkor, to‘p bilan esa haqiqatan ham juda-juda ajoyib. Bir marta to‘pni yo‘qotdi, qolgan barchasi esa yuqori darajada edi! Rostdan ham juda yuqori! Afsuski, biz uning Premyer-ligadagi ilk debyutida g‘alabani taqdim eta olmadik. Ammo kelajakda u bunday debyutlarni yana ko‘p marotaba o‘tkazadi», — dedi Gvardiola.