"Манчестер Сити" бош мураббийи Хосеп Гвардиола марказий ҳимоячи Абдуқодир Хусановни мақтади.
21 ёшли футболчи "Брайтон"га қарши 1:1 ҳисобидаги дурангда асосий таркибда майдонга тушди ва сўнгги ҳуштак чалингунча ўйнади.
"Хусанов ажойиб. У бизга рақибларимизнинг узоқ узатмаларини қайтаришда ёрдам берди; у майдоннинг бутун кенглигини назорат қила олади! Абдуқодир ривожланишда давом этмоқда. У дадилроқ бўлиши, ўйин яратишда кўпроқ иштирок этиши керак - аммо бу фақат вақт масаласи. Ҳимояда у жуда яхши!", - деди испаниялик мураббий.
