"Manchester Siti" bosh murabbiyi Xosep Gvardiola markaziy himoyachi Abduqodir Xusanovni maqtadi.
21 yoshli futbolchi "Brayton"ga qarshi 1:1 hisobidagi durangda asosiy tarkibda maydonga tushdi va so‘nggi hushtak chalinguncha o‘ynadi.
"Xusanov ajoyib. U bizga raqiblarimizning uzoq uzatmalarini qaytarishda yordam berdi; u maydonning butun kengligini nazorat qila oladi! Abduqodir rivojlanishda davom etmoqda. U dadilroq bo‘lishi, o‘yin yaratishda ko‘proq ishtirok etishi kerak - ammo bu faqat vaqt masalasi. Himoyada u juda yaxshi!", - dedi ispaniyalik murabbiy.
