Лондоннинг “Челси” ва Каталониянинг “Барселона” клублари келаси ёзда футболчи алмашиши мумкин. Эслатиб ўтамиз, ҳимоячилар Сесар Аспиликуэта ва Маркос Алонсо "кўк-анорранглилар"нинг трансфер ойнасидаги асосий трансфер мақсадларидан бири ҳисобланади. "Аристократлар" бу футболчиларни ҳимоячи Сержиньо Дест ва дарвозабон Нето эвазига қўйиб юборишга тайёр.
Diario Sport хабарига кўра, клублар бундай келишувни кенг муҳокама қилишмоқда. Аввалроқ Аспиликуэта ва Алонсо "Челси"ни тарк этмоқчи экани ҳақида хабарлар тарқалган эди. Дест ва Нетога келсак, бу футболчилар "Барселона" бош мураббийи Хави Эрнандеснинг режаларига киритилмаган.
Эслатиб ўтамиз, "Барселона" ҳам "Челси"нинг яна бир ҳимоячиси Андреас Кристенсенни текинга қўлга киритиши мумкин.
