Мадриднинг "Реал" клуби ярим ҳимоячиси Иско Марселонинг туғилган куни билан ҳазил тариқасида табриклади.
Бугун "Реал"нинг бразилиялик ҳимоячиси ўзининг 34 ёшини нишонламоқда.
Иско ўзининг "Инстаграм"даги расмий саҳифасида Марсело билан гол нишонлагани суратини жойлаштирди ва унга шундай изоҳ қолдирди: “Туғилган кунинг билан афсона. Ўйинда бирга тушган расмимизни топиш қийин бўлди".
Марсело ва Иско ҳам бу мавсум Мадридда мустаҳкам ўринга эга бўлиб олишмади. Ҳар икки футболчи ҳам ёзда клубни тарк этиши мумкин.
