"Ливерпуль" бош мураббийи Юрген Клопп ярим ҳимоячи Фабиньо Англия кубоги финалидаги "Челси"га қарши ўйинни ўтказиб юборишини айтди.
Шу билан бирга, германиялик мураббийнинг фикрича, бразилиялик футболчининг Чемпионлар лигаси финалида ўйнашга тайёр бўлиши мумкин, деб ёзади Goal.
28 ёшли бразилиялик футболчи 10-май куни бўлиб ўтган Премьер-лиганинг 33-туридан ўрин олган “Астон Вилла”га қарши ўйинда (2:1) жароҳат олди.
"Ливерпуль" 14 май куни Англия кубоги финалида "Челси" билан ўйнайди, шунингдек "қизиллар"ни 28 май куни Чемпионлар лигаси финалида "Реал"га қарши ўйин ҳам кутиб турибди.