Хабарингиз бор, 18 май куни Ғузорнинг “Шўртан” клуби Фарғонага сафар уюштиради ва маҳаллий “Нефтчи” жамоаси билан баҳс олиб боради.
Куни кеча, Ўзбекистон Профессионал Футбол Лигасининг “Ҳакамлар ва назоратчилар қўмитаси” 9-тур ўйинларини бошқариб борадиган ҳакамлар рўйҳатини эълон қилди.
Унга кўра, 18 май куни бўлиб ўтадиган “Нефтчи”-“Шўртан” жамоалари ўртасидаги баҳсни ФИФА рефериси – Равшан Эрматов бошқариб борадиган бўлди.
Унга қанотларда Жаҳонгир Саидов ва Абдулҳамидилло Расуловлар ёрдам берадиган бўлишди.
Учрашувнинг заҳира ҳаками сифатида Андижонлик Темур Тўҳтасинов тайинланган.
“Нефтчи”-“Шўртан” жамоалари баҳсини Ренат Ишмурзин назорат қилиб боради.
