АПЛнинг собиқ ҳаками Марк Клаттенбург "Тоттенхэм" - "Арсенал" учрашувидаги ҳакамлик ҳақида фикр билдирди. "Арсенал" дарвозасига белгиланган пенальти ҳақида фикр юритар экан, Клаттенбург шундай деди:

“Техник жиҳатдан кучли ҳакам хато қилмайди. Бизга такрорий вазият кўрсатилди ва бу вазиятда Соареш Соннинг орқа томонидан туртганга ўхшади” - деди Клаттенбург.

Бироқ, унинг қўшимча қилишича, бошқа бир ўйинда ҳам худди шундай қоидабузарлик эътибордан четда қолиши мумкин.

«Келаси ҳафта Премьер-лиганинг бошқа ўйинида шундай вазият содир бўлганда, пенальти бериладими? Балким. Балки йўқ", - деди Клаттенбург.

Холдингнинг четлатилиши ҳақида гапирар экан, Клаттенбург аллақачон сариқ карточкада «ўтирган» ҳимоячи ўз ўйинига эътиборлироқ бўлиши ва учрашув ҳакамидан бошқа жазо олмаслиги кераклигини таъкидлади.

"Арсенал" "Тоттенхэм"га 0:3 ҳисобида мағлуб бўлди ва "шпорлар"га чемпионат тугашига икки тур қолганда Чемпионлар лигаси йўлланмаси учун курашда фарқни бир очкога қисқартириш имконини қўлга киритди.