"Монако" ярим ҳимоячиси Сеск Фабрегас жорий мавсум якунида клубни эркин агент сифатида тарк этади, деб ёзди журналист Фабрицио Романо.
Аввалроқ Фабрегас футболчилик фаолиятини тугатишни режалаштираётгани ҳақида хабарлар тарқалган, бироқ испаниялик футболчи уларни рад этганди.
35 ёшли Фабрегас 2019 йилнинг январидан бери "Монако"да тўп суради. Бунгача ярим ҳимоячи Лондоннинг “Челси” ва “Арсенал”, шунингдек, каталониянинг “Барселона” жамоасида ҳаракат қилган.
Лига-1'нинг жорий мавсумида Фабрегас "Монако" сафида бор-йўғи иккита ўйинда майдонга тушди.
Сеск Фабрегас Трансфермаркт томонидан 3,5 миллион еврога баҳоланган.
Эслатиб ўтамиз, ярим ҳимоячи Испания терма жамоаси таркибида ЖЧ-2010 ғолиби ҳисобланади.
