"Монако"нинг россиялик ярим ҳимоячиси Александр Головин Лига 1 доирасидаги "Брест"га (4:2) қарши ўйиндан сўнг ўз фикрларини билдириб ўтди.

“Албатта, бу энг муҳим бўлган уч очко. Энг муҳими, бу учрашувда ғалаба қозонишимиз керак эди ва муҳим очколарни ўз ҳисобимизга ёздириб қўйдик. 0:2 ҳисобида ютқазган бўлсак ҳам, бир сония ҳам ўзимиздан шубҳаланмадик, ғалабага ишондик ва ишлашда давом этдик.

Характер кўрсата олдик. Бу ҳолат ҳар қандай жамоа учун ҳамиша маълум бир синовдир. Бу вазиятдан муносиб чиқиб, ғалабани қўлга киритганимиз қувонарли" - деди Головин.

Жадвалда 2-ўринни эгаллаш ҳақида:

"Табиийки, бу мақсадга эришиш йўлидаги жиддий қадамдир. Энди ҳаммаси ўзимизга боғлиқ. Бу чемпионатнинг сўнгги ўйини бўлиб қолмоқда. Унинг муҳимлигини ҳамма тушунади. Биз иккинчи ўринни эгаллаш учун қўлимиздан келганини қилишимиз керак”, - деди Головин.

38-турда “Монако” меҳмонда “Ленс” билан ўйнайди.