"Monako"ning rossiyalik yarim himoyachisi Aleksandr Golovin Liga 1 doirasidagi "Brest"ga (4:2) qarshi o‘yindan so‘ng o‘z fikrlarini bildirib o‘tdi.

“Albatta, bu eng muhim bo‘lgan uch ochko. Eng muhimi, bu uchrashuvda g‘alaba qozonishimiz kerak edi va muhim ochkolarni o‘z hisobimizga yozdirib qo‘ydik. 0:2 hisobida yutqazgan bo‘lsak ham, bir soniya ham o‘zimizdan shubhalanmadik, g‘alabaga ishondik va ishlashda davom etdik.

Xarakter ko‘rsata oldik. Bu holat har qanday jamoa uchun hamisha ma’lum bir sinovdir. Bu vaziyatdan munosib chiqib, g‘alabani qo‘lga kiritganimiz quvonarli" - dedi Golovin.

Jadvalda 2-o‘rinni egallash haqida:

"Tabiiyki, bu maqsadga erishish yo‘lidagi jiddiy qadamdir. Endi hammasi o‘zimizga bog‘liq. Bu chempionatning so‘nggi o‘yini bo‘lib qolmoqda. Uning muhimligini hamma tushunadi. Biz ikkinchi o‘rinni egallash uchun qo‘limizdan kelganini qilishimiz kerak”, - dedi Golovin.

38-turda “Monako” mehmonda “Lens” bilan o‘ynaydi.