Испаниянинг “Бетис” клуби ўз тарихидаги энг сермаҳсул мавсумлардан бирини ўтказмоқда.
Ла Лиганинг 37-туридан ўрин олган “Гранада”га қарши ўйинда (2:0) Мануэль Пеллегрини шогирдлари жорий мавсумдаги барча турнирлар доирасидаги (55 та ўйинда) 100-голини уришди.
Opta портали маълумотларига кўра, "Бетис" ўз тарихида иккинчи марта битта мавсумда 100 тадан кўп гол киритди. Аввалроқ, севильяликлар 1996/97 йилги мавсумда 53 учрашувда 102 бор рақиблар дарвозасини ишғол қилишга муваффақ бўлишган.
“Бетис” сўнгги тур олдидан Испания чемпионатида бешинчи ўринни эгаллаб турибди. Ла Лиганинг сўнгги ўйинида “оқ-яшиллар” чемпионликни қўлга киритиб бўлган “Реал” билан меҳмонда тўқнаш келишади.
