Ispaniyaning “Betis” klubi o‘z tarixidagi eng sermahsul mavsumlardan birini o‘tkazmoqda.
La Liganing 37-turidan o‘rin olgan “Granada”ga qarshi o‘yinda (2:0) Manuel Pellegrini shogirdlari joriy mavsumdagi barcha turnirlar doirasidagi (55 ta o‘yinda) 100-golini urishdi.
Opta portali ma’lumotlariga ko‘ra, "Betis" o‘z tarixida ikkinchi marta bitta mavsumda 100 tadan ko‘p gol kiritdi. Avvalroq, sevilyaliklar 1996/97 yilgi mavsumda 53 uchrashuvda 102 bor raqiblar darvozasini ishg‘ol qilishga muvaffaq bo‘lishgan.
“Betis” so‘nggi tur oldidan Ispaniya chempionatida beshinchi o‘rinni egallab turibdi. La Liganing so‘nggi o‘yinida “oq-yashillar” chempionlikni qo‘lga kiritib bo‘lgan “Real” bilan mehmonda to‘qnash kelishadi.
