Амстердамнинг "Аякс" жамоаси Нидерландияда яна бир чемпионликни қўлга киритди ва жамоанинг сербиялик сардори Душан Тадич мавсумнинг энг яхши футболчиси бўлди.
Тадич кетма-кет тўрт мавсумда "Аякс"нинг энг яхши ассистентига айланди. Қолаверса, унинг амалга оширган узатмалари ҳам йилдан-йилга ортиб борди.
Шу тариқа, 2018/2019 йилги мавсумда у 13 та голли узатмани амалга оширди, 2019/20 йилги мавсумда ўн тўртта, 2020/2021 йилги мавсумда эса 17 та голга ассистентлик қилди.
Жорий мавсумда эса Душан жамоадошларининг 19 та голига ҳаммуаллифлик қилди.
Эслатиб ўтамиз, Тадич 2018 йилдан буён "Аякс"да ўйнаб келмоқда, бунгача бир неча мавсумни Англиянинг "Саутгемптон" клубида ўтказган.
